Молитва ко Господу нашему Иисусу Христу
в четыредесятый год Чернобыльской катастрофы
О, Всеблагий и Человеколюбивый Господи Иисусе Христе, Боже наш!
Призри с высоты святаго Престола Твоего на нас грешных и недостойных рабов Твоих в сорокалетний день памяти трагедии Чернобыльския.
Молим Ти ся, Владыко Вседержителю, прости нам прегрешения наша! Укрепи, Господи, душевныя и телесныя силы всех ликвидаторов и пострадавших от последствий аварии людей Твоих, даруй им крепость сил и от недугов исцеление. Всех потрудившихся на благо будущих поколений, облагоденствуй и в здравии сохрани. Души жизнь свою по заповеди Твоей за ближних своих положивших в селениих праведных упокой.
Сохрани, Господи, землю нашу, по милости Твоей данную нам дабы благочестно трудитися ради славы Твоея, на пользу Отечества.
Всемилосердый Владыко и Создателю Господи Боже наш, рекий: не хощу смерти грешника, но еже живу быти ему, молимся Тебе, защити белорусский народ наш и сохрани от враг видимых и невидимых, от бед и напастей, направи жизнь нашу к покаянию и совершению добрых дел во Имя Святое Твое.
Да и мы, пребывающе во святыни Твоего Человеколюбия и под покровом Пресвятыя Владычицы Богородицы и молитвенном предстательстве святых в земли Белорусской просиявших, будем восхваляти Всесвятое Имя Твое, со Отцем и Преблагим и Животворящим Духом. Аминь.